قومی ٹیم کے سابق کپتان راشد لطیف نے نئی پی سی بی مینجمنٹ کمیٹی کی اہلیت پر سوال اٹھا دیا۔
سماجی رابطے کی ویب سائٹ ٹوئٹر پر سابق کپتان راشد لطیف نے لکھا کہ ’نئی پی سی بی مینجمنٹ تجربے اور مہارت میں زیرو ہے، پاکستان میں کرکٹ کی تمام پالیسیاں اہل انٹرنیشنل کرکٹرز کی مشاورت سے بنائی جائیں۔‘
انہوں نے کہا کہ حکومت اور کرکٹ بورڈ کو پی سی بی آئین میں ترمیم کرنی چاہیے تاکہ ایسے لوگ بورڈ میں آئیں جو اپنے متعلقہ شعبوں میں تجربہ اور مہارت رکھتے ہوں۔‘
To strengthen Pakistan cricket, PCB constitution should constitute a policy making body comprising of bureaucrats, Cricket administrators and international Cricketers with unquestionable experience and success in their relevant fields. PCB's Board of Governors(BoG) decide the… pic.twitter.com/FofnZZy2Ew
— Rashid Latif | 🇵🇰 (@iRashidLatif68) July 6, 2023
واضح رہے کہ ذکا اشرف نے پی سی بی مینجمنٹ کمیٹی کے چیئرمین کی حیثیت سے چارج سنبھال لیا ہے۔
نئی مینجمنٹ کمیٹی 4 ماہ کےلئے بنائی گئی ہے۔ مینجمنٹ کمیٹی کرکٹ بورڈ کے آئی سی سی سمیت دیگر امور کو دیکھے گی۔
پی سی بی کی مینجمنٹ کمیٹی 10 رکنی ہے جس میں کلیم اللہ خان، اشفاق اختر، مصدق اسلام، عظمت پرویز، ظہیر عباس، خرم سومرو، خواجہ ندیم، مصطفی رمدے، ذولفقار ملک شامل ہیں۔
