تازہ ترین

کرائسٹ چرچ حملہ: شہید نعیم راشد کی اہلیہ عزم و ہمت کی مثال بن گئیں، الفاظ نے کروڑوں دل پگھلا دیے

ویلنگٹن: کرائسٹ چرچ کے ہیرو نعیم رشید کی اہلیہ ہمت اور حوصلے کی مثال بن گئیں، انٹرویو کی ویڈیو سوشل میڈیا پر وائرل ہوگئی.

تفصیلات کے مطابق عنبرین نعیم نے کرائسٹ چرچ سانحے کے بعد ایک خصوصی انٹرویو دیا، جس میں‌ ان کی الفاظ نے کروڑوں دلوں کو پگھلا دیا.

عنبرین نعیم نے کہا کہ شوہراور بیٹے نے لوگوں کی زندگیاں بچاتے ہوئے جان دی، یہی ہمارا اللہ ہم سے چاہتا ہے، یہی ہمارا دین سکھاتا ہے۔

راشد نعیم کی بیوہ نے کہا کہ ان کے شوہر محبت کرنے والے شخص تھے، محبت ہی انسان سے ایسے بڑے کام کراتی ہے، میں اس دہشت گرد پر افسوس کرتی ہوں جس کا دل محبت سے خالی ہے.

انھوں نے ایک سوال کے جواب میں کہا کہ اس مرحلے پر یہ دین ہے، جو انھیں ہمت عطا کرتا ہے اور وہ اکیلی نہیں، ان کے کے اہل خانہ اور تمام مسلمان ان کے ساتھ ہیں.

رپورٹر نے راشد نعیم کی بیوہ کے گلے لگ کر ان کے حوصلے کی داد دی

ان کے دل پذیر الفاظ نے انٹرویو کرنے والی رپورٹر کینوا لوائڈ کو شدید متاثر کیا اور وہ آبدیدہ ہوگئیں. رپورٹر نے کہا وہ کبھی اتنی متاثر کن شخصیت سے نہیں ملیں.

کینوا لوائڈ نے راشد نعیم کی بیوہ کے گلے لگ کر ان کے حوصلے کی داد دی.

Comments

- Advertisement -