جاپانی ریسٹورنٹ میں گاہک کو سلاد کے ساتھ پیش کی جانے والی مچھلی اچانک زندہ ہوگئی، اس حیرت انگیز واقعے کی ویڈیو پر سوشل میڈیا وائرل ہورہی ہے۔
آپ نے اکثر انفو انٹرٹینمنٹ ٹی وی چینلز پر آبی حیات کی مختلف مخلوقات کا مشاہدہ کیا ہوگا جس میں ایک مچھلی بھی ہے جس کی بے شمار اقسام کے بارے میں آگاہی فراہم کی جاتی ہے۔
ان میں سے بعض مچھلیاں بہت سخت جان ہوتی ہیں اورپانی کے بغیر بھی کئی دن زندہ رہ سکتی ہیں، ان دنوں سوشل میڈیا پر اس سے ملتی جلتی ایک ایسی ہی ویڈیو وائرل ہورہی ہے۔
Fish served at restaurant bites chopstick😳 pic.twitter.com/PnkG6xt1Ig
— OddIy Terrifying (@OTerrifying) February 13, 2023
جاپان کے ایک ریستوران بیٹھے گاہک نے کھانے کا آرڈر دیا تو ویٹر نے کھانے کی میز پر پہلے نوڈلز اور سلاد کی پلیٹ لاکر رکھی جس میں درمیانے سائز کی دو چھوٹی مچھلیاں بھی موجود تھیں۔
سوشل میڈیا پر وائرل ویڈیو میں دیکھا جا سکتا ہے کہ جیسے ہی مذکورہ گاہک چوپ اسٹک کو مچھلی کے قریب لے کر جاتا ہے تو مچھلی منہ کھول کر چوپ اسٹک کو دانتوں میں دبا لیتی ہے۔
رپورٹ کے مطابق کھانے کے لیے پیش کی گئی یہ مچھلی پوری طرح سے پکائی نہیں گئی تھی، اس خوفناک ویڈیو کو اب تک34 لاکھ سے زائد صارفین دیکھ چکے ہیں اس ویڈیو پر اپنے دلچسپ کمنٹس بھی دے رہے ہیں۔