راولپنڈی: آٹے کی قیمتوں میں نمایاں کمی کے بعد جڑواں شہر کی ضلعی انتظامیہ نے روٹی کی نئی قیمت مقرر کر دی۔
ڈپٹی کمشنر اسلام آباد حسن وقار چیمہ نے ایک سو بیس گرام نان اور 100 گرام روٹی کی قیمت مقررکرنے کا نوٹیفکیشن جاری کر دیا ہے۔
اسی طرح راولپنڈی ضلعی انتظامیہ کے جاری نوٹیفکیشن کے مطابق 100گرام روٹی کی قیمت 15 روپے اور ایک سو بیس گرام کے نان کی قیمت 20 روپے مقرر کردی گئی ہے۔
- Advertisement -
ڈپٹی کمشنر کا کہنا ہے کہ نئی قیمتوں کا اطلاق فوری طور پر آج سے ہوگا، روٹی کی نئی قیمتوں کے اطلاق کیلئے اسپیشل مجسٹریٹس کو ہدایت جاری کردی گئی۔
ڈپٹی کمشنر اسلام آباد حسن وقار چیمہ نے مزید کہا کہ خلاف ورزی کرنے والوں کے خلاف قانونی کاروائی عمل میں لائی جائے۔
