راولپنڈی: پنجاب کے شہر راولپنڈی میں مدرسے کے طالب علم بچے کو الٹا لٹکا کر تشدد کرنے کی ویڈیو سوشل میڈیا پر وائرل ہوگئی، راولپنڈی پولیس نے معلم کو گرفتار کرکے مقدمہ درج کرلیا۔
تفصیلات کے مطابق مدرسے میں بچے پر تشدد کا ایک اور واقعہ سامنے آیا ہے، راولپنڈی میں معلم نے سبق یاد نہ کرنے پر معصوم بچے کو الٹا لٹکا دیا جس کی ویڈیو وائرل ہوگئی، پولیس نے معلم کو گرفتار کرکے مقدمہ درج کرلیا۔
Scene from a Madarsa in Dhok Kashmiriyan Rawalpindi.
Please teach your kids Quran at home and keep an eye on how they are being treated by the teachers. Also need authorities to take action against this specific Qari pic.twitter.com/8GbyrbyT8a— Main Abdul Majid Hoon (@ComicsByMajid) June 28, 2019
ویڈیو میں دیکھا جاسکتا ہے کہ بچہ الٹکا لٹکا چیختا رہا لیکن سزا دینے والے شخص کو رحم نہیں آیا، ویڈیو وائرل ہونے کے بعد راولپنڈی پولیس نے ڈھوک کشمیریاں کے علاقے میں کارروائی کرتے ہوئے ملزم نور محمد کو گرفتار کرلیا۔
پولیس نے ملزم کو مزید تحقیقات کے لیے تھانہ صادق آباد منتقل کردیا۔
واضح رہے کہ مدرسہ ایک کمرے اور تین ہالز پر مشتمل ہے جس میں تیس طالب علم رہائش پذیر ہیں۔
