سابق گورنراسٹیٹ بینک رضاباقر نے کہا ہے کہ سیاسی معاملات کےحل کے بغیر معاشی معاملات ٹھیک نہیں ہو سکتے۔

لاہور میں تقریب سے خطاب کرتے ہوئے انہوں نے کہا کہ ہمارا خسارہ کیا ہے اور اس کی وجہ کیا ہے، 2007 سے ہمارا قرضہ بڑھتا گیا بجٹ خسارے کی ذمہ دارسیاسی جماعتیں اور حکومتیں ہیں۔

رضاباقر نے بتایا کہ قرضہ اس لئے لیا کہ اخراجات آمدن کے برابر نہیں خسارےکی وجہ یہ بھی ہےہیلتھ انڈیکیٹر خطرناک حد تک پہنچ چکے کیونکہ پاکستان میں ایک ہزار بچوں میں سے 62 پیدا ہوتے ہی مرجاتے ہیں، پاکستان میں ہیپاٹائٹس 7فیصد اور بنگلا دیش میں صفر فیصد ہے

انہوں نے کہا کہ 17 سال سے قرضہ بڑھ رہا ہےتو اس میں حکومت کا مسئلہ ہے خسارے کو کم کرنا کسی ایک جماعت کے بس کی بات نہیں ایس آئی ایف سی باہر سےسرمایہ لانے کے ساتھ تعلیم پر توجہ دے، خسارہ کم کرنے کی حکمت عملی پر بھی توجہ دینے کی ضرورت ہے۔