بدھ, فروری 19, 2025
اشتہار

ورلڈ کپ میں پاکستان ٹیم کا آل راؤنڈر کسے ہونا چاہیے؟ عبدالرزاق نے بتادیا

اشتہار

حیرت انگیز

سابق کرکٹرعبدالرزاق نے ورلڈ کپ 2023 کے لیے قومی ٹیم کے آل راؤنڈر کے انتخاب پر اپنی رائے کا اظہار کردیا۔

قومی ٹیم کے سابق آل راؤنڈر عبدالرزاق نے مقامی ٹی وی سے گفتگو کرتے ہوئے کہا کہ اگر ہم تجربے کے مطابق فیصلہ کریں تو فہیم اشرف کو ورلڈ کپ کے لیے جانا چاہیے۔

عبدالرزاق نے کہا کہ قومی ٹیم میں ایک اور ہونہار آل راؤنڈر محمد وسیم جونیئر بھی موجود ہے لیکن انہیں ڈومیسٹک کرکٹ کے کم میچز کھلا کر ہی ٹیم میں منتخب کرلیا گیا تھا۔

انہوں نے کہا کہ محمد سیم جونیئر کو ہم خیبرپختونخوا سے لائے ہیں میرے خیال انہیں پاکستان ٹیم میں بہت جلد منتخب کرلیا گیا تھا۔

عبدالرزاق نے کہا کہ وسیم جونیئر کو زیادہ ڈومیسٹک کرکٹ کھیلنی چاہیے تھی اور سلیکٹ ہونے سے پہلے وہاں پر لمبے اسپیل سے بولنگ کرنا چاہیے تھی۔

سابق کرکٹر نے کہا کہ محمد وسیم جونیئر اب پاکستان کے لیے چند میچز کھیلتے ہیں اور باقی میچوں میں باہر بیٹھ جاتے ہیں، آپ کبھی بھی اس طرح سے کھلاڑی کو تیار نہیں کرسکتے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں