اسلام آباد: بھارت کی جانب سے عالمی شہرت یافتہ اور نوبل انعام حاصل کرنے والی خاتون مدر ٹریسا کے خیراتی ادارے کے اکاؤنٹس منجمد کرنے پر صدر پاکستان نے ٹوئٹ میں ردِ عمل کا اظہار کر دیا ہے۔
تفصیلات کے مطابق صدر پاکستان ڈاکٹر عارف علوی نے بھارت میں مدر ٹریسا کے فلاحی ادارے کے اکاؤنٹس منجمد کرنے کی خبر پر ٹوئٹ کرتے ہوئے کہا کہ فاشسٹ ہندوتوا بھارت کا اصل چہرہ ابھر کر سامنے آ رہا ہے۔
صدر مملکت نے ٹوئٹ میں کہا کہ فاشسٹ بھارت میں آج مشتعل گروپس متعدد بھارتی علاقوں میں کرسمس تقریبات میں خلل ڈال رہے ہیں، انتہا پسند سانتاکلاز کا پتلا جلا رہے ہیں اور کرسمس تقریبات اور مذہب بدلنے کے خلاف نعرے لگائے جا رہے ہیں۔
The real face of fascist Hindutva India is emerging where Hindu vigilante groups disrupted Christmas mass in many parts of India & burnt a Santa Claus effigy chanting slogans against Xmas celebrations & religious conversions. World beware b4 it is too latehttps://t.co/6ODOuMSAQm
— Dr. Arif Alvi (@ArifAlvi) December 28, 2021
صدر عارف علوی نے دنیا کو خبردار کیا کہ بھارت میں شدت پسندی بڑھتی جا رہی ہے، اسے خبردار ہونا ہوگا، اس سے قبل کہ بہت دیر ہو جائے۔
بھارت نے مدر ٹریسا کے فلاحی ادارے کی غیر ملکی فنڈنگ پر پابندی لگا دی
واضح رہے کہ بھارت نے مدر ٹریسا کے خیراتی ادارے کے لیے غیر ملکی فنڈنگ کو روک دیا ہے، مشنریز آف چیریٹی کے غیر ملکی فنڈز کو روکنے کا یہ اقدام ہندو انتہا پسند گروپس کی جانب سے کرسمس کی تقریبات میں خلل ڈالنے کے بعد سامنے آیا ہے۔
مودی حکومت نے خیراتی ادارے کے لیے غیر ملکی فنڈنگ لائسنس کی تجدید کرنے سے انکار کر دیا ہے۔
