انقرہ: رجب طیب اردوان نے ترکیہ کے صدر کے عہدے کا حلف اٹھا لیا۔ وہ مسلسل تیسری بار ملک کے صدر منتخب ہوئے ہیں۔
غیر ملکی میڈیا کے مطابق حلف برداری تقریب ترکیہ کے پارلیمنٹ میں منعقد ہوئی جس میں وزیر اعظم پاکستان شہباز شریف سمیت دیگر عالمی رہنماؤں نے شرکت کی۔
رجب طیب اردوان نے عہدے کا حلف اٹھانے سے قبل عزم کیا کہ میں آئین و قانون اور جمہوری اقدار کی پاسداری کروں گا۔
Re-elected Recep Tayyip Erdogan takes oath of office to begin his new presidential term pic.twitter.com/xhIUNUE8po
— TRT World (@trtworld) June 3, 2023
اتوار 28 مئی کو صدارتی الیکشن کے دوسرے اور آخری مرحلے میں رجب طیب اردوان نے فتح حاصل کی جبکہ ان کے حریف کمال قلیچ دار دوسرے نمبر پر رہے۔ اردوان نے 52.24 فیصد ووٹ حاصل کیے جبکہ کمال قلیچ دار نے 47.79 فیصد ووٹ لیے۔
ووٹوں کی گنتی مکمل ہونے کے بعد اردوان نے استنبول میں اپنے سپورٹرز سے خطاب میں کہا تھا کہ ترکیہ کے عوام نے ہمیں دوبارہ اقتدار سونپ دیا، ہمیں مزید 5 سال حکومت کرنے کی ذمہ داری دے دی۔
Many world leaders, including Pakistan PM Shehbaz Sharif, Turkish Republic of Northern Cyprus President Ersin Tatar, Venezuela President Nicolas Maduro, Kosovo President Vjosa Osmani are in Ankara to attend the inauguration ceremony of Türkiye’s President Recep Tayyip Erdogan pic.twitter.com/bMmn1zL7oa
— TRT World (@trtworld) June 3, 2023
عوام نے اردوان کو تیسری بار ملک کی صدارت سونپی۔ کہا جاتا ہے کہ وہ دنیائے سیاست کی واحد شخصیت ہیں جنہوں نے 1992 سے اب تک کوئی الیکشن نہیں ہارا۔
’ترکیہ اب دنیا بھر میں امن و سلامتی قائم کرے گا‘
30 مئی کو انقرہ میں یونین آف چیمبرز اینڈ کموڈٹی ایکسچینجز کی 79ویں جنرل اسمبلی سے خطاب کرتے ہوئے انہوں نے عہد کیا تھا کہ ترکیہ اب دنیا بھر میں امن و سلامتی قائم کرنے کیلیے اقدامات اٹھائے گا۔
ان کا کہنا تھا کہ ہمارا مقصد پوری دنیا اور بالخصوص یورپ سے بحیرہ اسود تک اور مشرق وسطیٰ سے شمالی افریقہ تک سلامتی و امن قائم کرنا ہے۔
’یورپی یونین کے ساتھ ویزا سے متعلق مسئلے کو بھی جلد از جلد حل کر لیں گے جبکہ زلزلے سے متاثرہ علاقوں کی تعمیر نو اور معیشت اولین ترجیح ہے۔‘
