ابوظبی: متحدہ عرب کی ریاست العین میں تیز رفتار گاڑی نے سڑک پر ڈیوٹی انجام دینے والے پولیس افسر کو روند ڈالا۔
عرب میڈیا کے مطابق متحدہ عرب امارات کی ریاست العین میں ڈیوٹی پر مامور پولیس افسر تیز رفتار گاڑی کی زد میں آکر جاں بحق ہوگیا، پولیس افسر کی شناخت سارجنٹ اعلی سعید خربخش السعدی کے نام سے ہوئی ہے۔
ابوظبی پولیس کا کہنا ہے کہ سارجنٹ علی سعید ہلامی ٹنل پر اپنے فرائض انجام دے رہے تھے کہ تیز رفتار گاڑی نے انہیں ہٹ کیا اور وہ موقع پر ہی جاں بحق ہوگئے۔
مزید پڑھیں: ابوظبی، گاڑی میں آگ بھڑک اٹھی، 2 کم سن بھائی جاں بحق
رپورٹ کے مطابق السعدی کی نماز جنازہ المقبالی مسجد العین میں ادا کردی گئی ہے۔
السعدی کی نماز جنازہ میں العین سے تعلق رکھنے والے شہریوں کی بڑی تعداد پولیس افسروں نے شرکت کی، ان کی تدفین اُم غفا قبرستان میں جمعہ کے روز کی جائے گی۔
ابوظبی پولیس نے السعدی کے انتقال پر گہرے رنج و غم کا اظہار کرتے ہوئے ان کے اہل خانہ کے لیے صبر جمیل کی دعا کی ہے۔
پولیس کا کہنا ہے کہ السعدی ایک بہت ہی ایماندار افسر تھے اللہ تعالیٰ ان کو جنت الفردوس میں اعلیٰ مقام عطا فرمائے۔
