The news is by your side.

Advertisement

کچرا دے کر بس میں‌ مفت سفر کریں، حکومت کی انوکھی عوامی سہولت

جکارتہ: انڈونیشیا کے شہر سورا بایا کی مقامی حکومت نے علاقے کو صاف ستھرا اور آلودگی سے پاک رکھنے کے لیے شاندار عوامی سہولت متعارف کرادی۔

تفصیلات کے مطابق انڈونیشیا کے شہر سورا بایا کی مقامی انتظامیہ نے اعلان کیا کہ اب شہری پلاسٹک کی خالی بوتلیں دے کر عوامی ٹرانسپورٹ میں مفت سفر کرسکیں گے۔

حکومتی ترجمان نے میڈیا سے گفتگو کرتے ہوئے بتایا کہ ’عوام میں صفائی ستھرائی کی ترغیب اور ماحول کو آلودگی سے پاک رکھنے کے لیے یہ اقدام اٹھایا گیا ہے‘۔

اُن کا کہنا تھا کہ ’شہری بس اسٹاپ پر موجود سرخ بسوں کے ٹرمینل پر پلاسٹک کے کین اور بوتلیں جمع کرا کے مفت سفر کا ٹکٹ حاصل کرسکتے ہیں‘۔

حکومتی ترجمان کا کہنا تھا کہ ’شہر میں روزانہ 400 ٹن کچرا پھینکا جاتا ہے جس میں پلاسٹک کی بڑی تعداد ہوتی ہے، ہم اس پلاسٹک کو ری سائیکل کر کے دوبارہ قابل استعمال بھی بنا سکتے ہیں‘۔

اُن کا کہنا تھا کہ ’ایک محتاط اندازے کے مطابق ایک بس روزانہ 250 کلو گرام سے زیادہ پلاسٹک جمع کرسکتی ہے جو تیس دنوں میں ساڑھے سات ٹن تک پہنچ جائے گا‘۔

حکومتی ترجمان نے بتایا کہ پلاسٹک کی بوتلیں اور دیگر اشیاء کو جمع کر کے پلاسٹک ری سائیکل کرنے والی کمپنیوں کو فروخت کیا جائے گا اور اس سے حاصل ہونے والی رقم شہر کو صاف ستھرا، سرسبز و شاداب بنانے کے کام آئے گی۔

Comments

comments

یہ بھی پڑھیں