The news is by your side.

Advertisement

کنٹینر میں بنے ہوئے سوئمنگ پول

ہماری روزمرہ کی زندگی میں استعمال ہونے والی مختلف اشیا کو استعمال کرنے کے بعد انہیں ٹھکانے لگانا ایک بڑا مسئلہ ہے جو نہایت مہنگا ہے۔ مختلف اشیا کو اگر تلف نہ کیا جائے تو یہ ڈھیر کی صورت میں جمع ہو کر جگہ جگہ کچرا کنڈیاں بنا دیتی ہیں۔

انہی اشیا میں ایک بڑے بڑے کنٹینر بھی ہیں جو مال برداری اور تجارت کے لیے استعمال کیے جاتے ہیں۔ سفر کے دوران یہ کنٹینرز ٹکرانے یا خراب ہونے کی صورت میں آہستہ آہستہ خستہ ہوتے جاتے ہیں جس کے بعد یہ طویل سفر کے لیے موزوں نہیں رہتے۔

تب ان کنٹینروں کو تلف کرنا ایک بڑا مسئلہ ہوتا ہے۔ اس مسئلے سے نمٹنے کے لیے ایک آسٹریلین کمپنی نے استعمال شدہ کنٹینروں کو سوئمنگ پول میں تبدیل کرنے کا سوچا۔

pool-2

اس مقصد کے لیے کمپنی نے ناقابل استعمال کنٹینرز لیے اور ان میں ضروری تبدیلیاں کیں۔ کنٹینر میں چڑھنے اور اترنے کے لیے سیڑھیاں نصب کردی گئیں۔

pool-3

pool-4

حفاظتی اقدامات

علاوہ ازیں اس میں پانی کو فلٹر کرنے کی مشین بھی لگائی گئی۔ کنٹینر کی سخت کھردری سطح پر نرم مادے سے بنی تہہ چڑھادی جاتی ہے جس کے بعد یہ تیرنے والے شخص کو زخمی کرنے کا سبب نہیں بنتی۔

کمپنی یہ منفرد سوئمنگ پولز اپنے گھر میں سوئمنگ پول بنوانے کے شوقین افراد کے گھر میں نصب کردیتی ہے۔

Print Friendly, PDF & Email

Comments

comments

یہ بھی پڑھیں