کراچی: شہر قائد کے علاقے گلشن حدید میں ایک ریڈ بس کے پہیے بھونڈی روڈ کٹنگ کے باعث گڑھے میں پھنس گئے۔
تفصیلات کے مطابق کراچی کے علاقے گلشن حدید میں رات کے اندھیرے میں روڈ کٹنگ کر کے سامنے نالے میں گٹر لائن ڈال دی گئی تھی، اور گڑھے کو مٹی ڈال کر بند کیا گیا تھا، جس کے باعث ریڈ بس اس پر سے گزرتے ہوئے پھنس گئی۔
مبینہ طور پر شہری نے بھونڈے انداز میں روڈ کٹنگ کروائی تھی، اور کام ختم ہونے کے بعد سڑک لیول کیا گیا نہ طریقے سے بھرائی کی گئی۔
گڑھے پر سے آج بدھ کی صبح جب ریڈ بس گزری تو اگلے ٹائر تو نکل گئے مگر پچھلے پھنس گئے، علاقہ مکینوں نے ویڈیو بنا کر وجہ کی نشان دہی بھی کر دی۔
اے آر وائی نیوز کے مطابق ٹریکٹر کی مدد سے بس کو گڑھے سے نکالا گیا، گڑھے کو بھی ٹریکٹر کی مدد سے بند کر دیا گیا۔
Comments
- Advertisement -
