میئر کراچی مرتضیٰ وہاب کا کہنا ہے کہ میرے لیے ریڈ لائن منصوبہ باعث شرمندگی ہے۔

میئر کراچی مرتضیٰ وہاب نے نیوز کانفرنس کرتے ہوئے کہا کہ اللہ کرے یہ منصوبہ شرمندہ تعبیر ہوجائے اور ہم شرمندگی سے نکل آئیں۔

انہوں نے کہا کہ ریڈ لائن منصوبے کو مکمل کرنے کے لیے وزیر ٹرانسپورٹ سندھ بھرپور محنت کررہے ہین، مجھے بتایا گیا ہے کہ اب بھی اس منصوبے کو مکمل ہونے میں دو سال لگیں گے۔

میئر کراچی نے کہا کہ اب اس منصوبے کو روک نہیں سکتے اس کی تکمیل کرنا ضروری ہے۔

مرتضیٰ وہاب نے کہا کہ 100 منہ اور 100 باتیں ہیں تاہم ہم نے اس پروجیکٹ کو گرین لائن کی طرز پر بنایا ہے۔

مرتضیٰ وہاب نے کہا کہ کے ایم سی پاکستان کی پہلی لوکل کونسل بننے جارہی ہے، ڈبل تنخواہیں لینے والے 101 افراد پکڑ میں آگئے، ان کے خلاف قانونی کارروائی ہوگی۔