The news is by your side.

Advertisement

ریحام خان نے طلاق کے بارے میں اپنا موقف بتادیا، الزامات کی وضاحت بھی کردی

لندن: ریحام خان نے چپ کی مہرتوڑدی، طلاق کے بارے میں اپنا موقف بتاتے ہوئے الزامات کی وضاحت بھی کردی۔

کپتان کی سابق اہلیہ ریحام خان کا کہنا تھا کہ طلاق کا فیصلہ دکھی دل کے ساتھ کیا ہے،طلاق کے حوالے سے باضابطہ بیان میں ریحام خان نے کہا ہے عمران خان کے ساتھ طلاق نامے پر دستخط کر دیے ہیں،رشتہ ٹوٹنے کی اصل وجہ یہ ہے کہ تعلق ٹوٹ گیا تھا۔

ریحام خان نے کہا کہ ان کے لندن جانے سے پہلے ہی کپتان اور انہوں نے دکھی دل سے طلاق کا فیصلہ کر لیا تھا۔

ریحام خان انے اپنے بیان میں اس بات کی بھی تردید کی ہے کہ انہوں نے تحریک انصاف کے رہنماعلیم خان یا فیصل واڈا سے پیسے لیے تھے۔

ریحام خان نے کہا کہ جسمانی تشدد کے حوالے سے گردش کرتی خبروں میں کوئی سچائی نہیں، عمران خان کی عزت کرتی ہوں،جھگڑے کی خبریں غلط ہیں۔

انہوں نے عمران خان کو زہر دینے کی باتوں کو بھی مضحکہ خیز اور بے بنیاد قرار دیا انہوں نے کہا کہ وہ اور ان کے بچے اب دوبارہ زندگی شروع کرینگے۔

Print Friendly, PDF & Email

Comments

comments

یہ بھی پڑھیں