The news is by your side.

Advertisement

بطور” سینیٹر ” فیصل واوڈا کی کامیابی کا نوٹیفکیشن روکنے کی استدعا مسترد

اسلام آباد: الیکشن کمیشن نے فیصل واوڈا کی بطور سینیٹر کامیابی کا نوٹیفکیشن روکنے کی درخواست پر اپنا فیصلہ سنادیا ہے۔

تفصیلات کے مطابق الیکشن کمیشن میں فیصل واوڈا کی کامیابی کا نوٹیفکیشن روکنے کی درخواست پر سماعت ہوئی، الیکشن کمیشن کے ممبر الطاف ابراہیم کی صدارت میں تین رکنی بینچ نے سماعت کی۔

دوران سماعت استغاثہ کے وکیل نے استدعا کی کہ فیصل واوڈا کا نوٹیفکیشن کل تک روک دیں، کل فیصل واوڈا کیس کی سماعت ہے، کیونکہ اسلام آباد ہائیکورٹ نےفیصل ووڈا کے حلف نامے کو جعلی قرار دیا ہے۔

جس پر ممبر الیکشن کمیشن پنجاب الطاف ابراہیم نے استفسار کیا کہ اسلام آباد ہائیکورٹ نے انہیں کیوں نا اہل نہیں کیا؟ جس پر وکیل دارخوستگزار کا کہنا تھا کہ نااہل کرنے کا اختیار الیکشن کمیشن کا ہے۔

بعد ازاں الیکشن کمیشن نے فیصل واوڈا کی کامیابی کا نوٹیفکیشن روکنے کی استدعا مسترد کرتے ہوئے کہا کہ آپکی درخواست کو کل کی درخوا ست سے جوڑ دیں گے۔

اس سے قبل سندھ ہائیکورٹ میں پی ٹی آئی رہنما فیصل واوڈا نااہلی کیس سے متعلق سماعت ہوئی ، وکیل فیصل واوڈا نے موقف دیا کہ پیپلزپارٹی رہنما قادر مندوخیل اور دیگر نے الیکشن کمیشن میں ڈائریکٹ شکایت درج کی ہیں، الیکشن کمیشن کو ڈائریکٹ شکایات سننے کا اختیار نہیں۔

یہ بھی پڑھیں:  فیصل واوڈا کی نااہلی کیس کی کارروائی روکنے سے متعلق فوری حکم امتناع کی استدعا مسترد

عدالت نے فیصل واوڈا کی درخواست پر الیکشن کمیشن، وفاقی حکومت اور دیگر کو نوٹس جاری کرتے ہوئے فریقین سے 16 مارچ کو تفصیلی جواب طلب کرلیا۔

خیال رہے فیصل واوڈا دوہری شہریت میں الیکشن کمیشن میں تین شکایات درج ہیں، قادر خان مندوخیل، میاں محمد آصف اور خالد جاوید راں نے شکایات دائر کر رکھی ہیں۔

Comments

یہ بھی پڑھیں