The news is by your side.

Advertisement

کورونا وائرس کے پیش نظر عوام کیلیے ریلیف پیکیج تیار

اسلام آباد: وفاقی حکومت نے کورونا وائرس کے پیش نظر عوام کیلیے ریلیف پیکیج تیار کر لیا جب کہ وزیراعظم نے بڑے معاشی ریلیف پیکج کی منظوری دے دی ہے۔

تفصیلات کے مطابق وزیراعظم عمران خان کی زیرصدارت معاشی ٹیم کا اہم اجلاس ہوا جس میں کورونا وائرس سے معیشت کو پہنچنے والے دھچکے اور مزدور طبقہ کو درپیش مشکلات کا جائزہ لیا گیا۔

معاشی ٹیم نے وزیراعظم کو موجودہ معاشی صورتحال پر بھی بریفنگ دی، وزیراعظم نے ملک بھر میں اشیائے ضروریہ کی موجودگی پر اظہار اطمینان کیا۔

کوروناوائرس کےپیش نظرعوام کےلئےریلیف پیکج تیار کر لیا گیا ہے، 70لاکھ ڈیلی ویجز ملازمین کو 3 ہزار روپے ماہانہ دیئےجائیں گے جب کہ وزیراعظم نے بڑے معاشی ریلیف پیکج کی منظوری دے دی ہے، ایکسپورٹرز کیلئے بھی 200 ارب روپےکا ریلیف پیکج منظور کیا گیا ہے۔

وزیراعظم کل تعمیراتی انڈسٹری کیلئے بھی ریلیف پیکج کا اعلان کریں جس میں تعمیراتی انڈسٹری کے لئے بڑا ٹیکس ریلیف دیاجائےگا۔

وزیراعظم عمران خان نے صورتحال پرمسلسل نظر رکھنےکا حکم دیتے ہوئے کہا ہے کہ موجودہ صورتحال میں غریب اور پسے طبقے پر نظر رکھیں، ڈیلی ویجز ملازمین کوصورتحال سےنقصان نہیں ہونا چاہیے۔

fb-share-icon0
Tweet 20

Comments

comments

یہ بھی پڑھیں