site
stats
پاکستان

سانحہ اے پی ایس: 16 دسمبر2014 کویوم سیاہ کےطورپریاد رکھا جائےگا‘ وزیراعظم

APSPeshawar

اسلام آباد : وزیراعظم شاہد خاقان عباسی کا کہنا ہے کہ شہدا کے خون سے لکھے جانے والے باب کومنطقی انجام تک پہنچائیں گے۔

تفصیلات کے مطابق وزیراعظم شاہد خاقان عباسی نے شہدائے اے پی ایس کی تیسری برسی پر اپنے پیغام میں کہا کہ 16 دسمبر 2014 کویوم سیاہ کے طورپریاد رکھا جائے گا۔

وزیراعظم نے کہا کہ سانحہ آرمی پبلک اسکول نے قوم میں دہشت گردوں کے خلاف وحدت کوجنم دیا اور اس واقعے کے بعد اس قوم نے دہشت گردوں کے خلاف فیصلہ کن معرکہ لڑنے کا ارادہ کیا۔

انہوں نے کہا کہ دہشت گردی کےخلاف جنگ میں پاکستان جتنی قربانی کسی نے نہیں دیں، ہم واحد قوم ہیں جس نے دہشت گردی کے خلاف جنگ جیتی ہے۔

وزیراعظم شاہد خاقان عباسی نے کہا کہ دہشت گردی کے خلاف جنگ میں معصوموں کا خون رنگ لایا ہے، قوم ا ن معصوموں کی لازوال قربانی کوہمیشہ یاد رکھے گی۔


قوم شہدائے اے پی ایس کی عظیم قربانی کبھی نہیں بھلا پائےگی‘ شہبازشریف


وزیراعظم نے کہا کہ قوم شہدا کو خراج عقیدت پیش کرتی ہے اور شہدا کےخون سے لکھے جانے والے باب کومنطقی انجام تک پہنچایا جائے گا۔

وزیراعظم کا کہنا تھا کہ قوم اپنے شہداء کو خراجِ عقیدت پیش کرتی ہے اور شہداء کے خون سے لکھے اس باب کو منطقی انجام تک پہنچایا جائے گا۔

یاد رہے کہ تین سال قبل 16 دسمبر 2014 کو پشاور آرمی پبلک اسکول میں خون کی ہولی کھیلی گئی تھی، دہشت گردوں نےعلم کے پروانوں کے بے گناہ لہو سے وحشت و بربریت کی نئی تاریخ رقم کی تھی۔

آرمی پبلک اسکول میں ہونے والے دردناک سانحے اور دہشت گردی کے سفاک حملے میں 147 افراد شہید ہوگئے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top