کراچی: شہرقائد کی تمام چورنگیوں کے الاٹمنٹ آرڈر فوری طور پر منسوخ کردیا گیا، کمشنر وایڈمنسٹریٹر کراچی افتخار شلوانی نے نئے احکامات جاری کردیے ہیں۔
تفصیلات کے مطابق کمشنر وایڈمنسٹریٹر کراچی افتخار شلوانی نے شہر کی تمام چورنگی کے الاٹمنٹ آرڈر فوری طور پر منسوخ کرتے ہوئے نئے احکامات جاری کردیے جس میں کہا گیا ہے کہ کسی پبلک مقام پر تشہیری مہم نہیں چلائی جاسکتی۔
ان کا کہنا ہے کہ الاٹمنٹ آرڈر کی منسوخی کا اطلاق ڈی ایم سیز پر بھی ہوگا۔
کمشنر وایڈمنسٹریٹر نے زور دیا ہے کہ چورنگیوں سے تجاوزات، اشتہاری بورڈ اور تختیاں ہٹائی جائیں، ڈی ایم سیز اینٹی انکروچمنٹ پر کوئی چالان جاری نہیں کریں گی۔
افتخار شلوانی کا کہنا ہے کہ راؤنڈ اباؤٹ کمرشل اور ایڈورٹائزنگ نرخ پر نیلام کیے جائیں گے، کمرشل ادارے اور کمپنیاں مصنوعات کی تشہیر قوانین کے مطابق کریں۔
ان کا مزید کہنا تھا کہ کسی افسر نے اینٹی انکروچمنٹ پر چالان جاری کیا تو قانونی کارروائی ہوگی۔
