ہفتہ, مئی 25, 2024
اشتہار

سی ڈی اے اسپتال کی لیب گزشتہ 10 سال سے غیر فعال

اشتہار

حیرت انگیز

اسلام آباد: وفاقی دارالحکومت اسلام آباد میں کیپٹل ڈویلپمنٹ اتھارٹی (سی ڈی اے) اسپتال کے 3 مرکزی شعبہ جات غیر فعال ہوچکے ہیں، اسپتال کی کیتھ لیب بھی گزشتہ 10 سال سے غیر فعال ہونے کا انکشاف ہوا ہے۔

تفصیلات کے مطابق کیپٹل ڈویلپمنٹ اتھارٹی (سی ڈی اے) اسپتال کے 3 مرکزی شعبہ جات غیر فعال ہوچکے ہیں، اسپتال کا شعبہ سرجریز، کیتھ لیب اور کوکلیئر امپلانٹس غیر فعال ہیں۔

ذرائع کا کہنا ہے کہ اسپتال میں سرجریز کا عمل طویل عرصہ سے معطل ہے جبکہ شعبہ ایمرجنسی میں بھی سرجری کی سہولت دستیاب نہیں، شعبہ اینستھیزیا کا عملہ نہ ہونے پر سرجریز نہیں کی جا رہیں۔

- Advertisement -

اسپتال کی کیتھ لیب بھی گزشتہ 10 سال سے غیر فعال ہونے کا انکشاف ہوا ہے، اسپتال ذرائع کا کہنا ہے کہ کیتھ لیب کے لیے لایا گیا سامان 10 سال سے پڑا زنگ آلود ہو چکا ہے۔

ذرائع کا کہنا ہے کہ اسپتال کا شعبہ کوکلیئر امپلانٹس بھی 6 ماہ سےغیر فعال ہے، کوکلیئر امپلانٹس میں بہرے بچوں کی سرجری کی جاتی ہے۔

ذرائع کے مطابق سی ڈی اے اسپتال کو افرادی قوت کی بھی شدید کمی کا سامنا ہے، اسپتال میں گزشتہ 15 برس سے بھرتیاں نہیں کی گئیں۔ اسپتال کو ڈاکٹرز، نرسز اور پیرا میڈکس کی شدید کمی کا سامنا ہے۔

ذرائع کا کہنا ہے کہ سی ڈی اے اسپتال کا سالانہ بجٹ 1 ارب 30 کروڑ ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں