کراچی : کمشنرکراچی اقبال میمن نے نسلہ ٹاور اورتجوری ہائٹس گرانے سے متعلق رپورٹ عدالت میں جمع کرادی ، جس میں کہا گیا ہے کہ نسلہ ٹاور اور تجوری ہائٹس کو گرانے کا کام تیزی سے جاری ہے۔
تفصیلات کے مطابق کمشنر کراچی اقبال میمن نے سپریم کورٹ کراچی رجسٹری میں نسلہ ٹاور اورتجوری ہائٹس گرانے سے متعلق رپورٹ جمع کرادی۔
جس میں کمشنر کراچی نے کہا ہے کہ عدالتی فیصلے پر من و عن عمل شروع کردیا، نسلہ ٹاور اور تجوری ہائٹس گرانے کا کام تیزی سے جاری ہے۔
خیال رہے سپریم کورٹ کےاحکامات پر نسلہ ٹاوراورتجوری ہائیٹس کو گرانے کا کام جاری ہے ، ضلع انتظامیہ اور دیگر ادارےدونوں عمارتیں مشترکہ طور پر کام کررہے ہیں۔
کثیرمنزلہ عمارت نسلہ ٹاور گرانے کے لیے 3ٹیمیں تشکیل دی گئی ہیں ، 50افراد پر مشتمل افرادی قوت بالائی منزل پر قائم تعمیرات کو توڑ رہی ہے جبکہ دوسری ٹیم ہیوی مشینری کے ذریعے فرنٹ سائٹ پر کام میں مصروف ہیں۔
دوسری جانب تجوری ہائٹس کے زیر تعمیر حصے کو مسمار کیا جارہا ہے۔
