The news is by your side.

Advertisement

امریکا: ریپبلکن صدارتی امیدوار ڈونلڈ ٹرمپ کے پتلےجلنے لگے

واشنگٹن: تارکین وطن کے خلاف نازیبا زبان استعمال کرنے پر کیلیفورنیا میں سینکڑوں افراد نےاحتجاج کیا،پولیس نے آٹھ مظاہرین کو گرفتارکرلیا.

تفصیلات کے مطابق ڈونلڈ ٹرمپ کو صدارتی نامزدگی کے لیے جلسوں میں تارکین وطن کے خلاف متنازع بیانات پر کیلی فورنیا میں شدیدتنقید کا سامنا کرنا پڑا.

ہسپانوی نژاد امریکی شہریوں نےکیلی فورنیا کے شہر اناہیم میں ٹرمپ کے جلسے سے پہلے احتجاج کیا،مظاہرین نے ٹرمپ کا پتلا نذرآتش کیا اور اسے نسل پرست رہنما قراردیا.

مظاہرین نے جلسے کے لیے مختص کنونشن سینٹر میں بھی داخلے کی کوشش کی،اس دوران جھڑپیں بھی ہوئیں جس میں پولیس نے آٹھ مظاہرین کو گرفتار کرلیا،اس موقع پر سیکیورٹی کے سخت ترین انتظامات کیے گئے تھے.

یاد رہے اس سے قبل گذشتہ ماہ شکاگو میں ڈونلڈ ٹرمپ کی ریلی شدید احتجاج کے سبب منسوخ ہوگئی تھی.

واضح رہے کہ رواں سال مارچ میں امریکی ریاست اوٹا میں انتخابی مہم کے دوران احتجاج کیا تھا،مظاہرین نے پلے کارڈز اٹھارکھے تھے جبکہ ڈونلڈ ٹرمپ کے خلاف نعرے بازی بھی کی تھی.

Comments

comments

یہ بھی پڑھیں