اسلام آباد : سہہ ماہی ایڈجسٹمنٹ کے تحت عوام پر اضافی بوجھ ڈالنے کی تیاری کرلی گئی۔

تفصیلات کے مطابق سہہ ماہی ایڈجسٹمنٹ کے تحت 94 ارب 40 کروڑ روپے کا اضافی بوجھ ڈالنے کی تیاری کرلی گئی۔

نیپرا میں ایڈجسٹمنٹ کی مد میں وصولیوں کی درخواست جمع کرادی گئی ہے، کیپسٹی چارجز، ترسیلی اخراجات، مارکیٹ آپریٹر فیس اور نقصانات کی مد میں درخواست دی۔

درخواست اپریل تا جون 2022 کی سہہ ماہی ایڈجسٹمنٹ کے تحت کی گئی ، بجلی تقسیم کار کمپنیوں کی درخواست پر نیپرا 6 ستمبر کو سماعت کرے گا۔

آئیسکو نے 8 ارب 73 کروڑ، لیسکو نے 17 ارب 81 کروڑ روپے وصولی کی درخواست دی جبکہ گیپکو نے 9 ارب 25 کروڑ اور فیسکو نے 11 ارب 62 کروڑ سے زائد کی ایڈجسٹمنٹ مانگی ہیں۔

میپکو نے 19 ارب 53 کروڑ ، پیسکو کی 12 ارب 27 کروڑ روپے ، حیسکو 5 ارب 30 کروڑ ، ٹیسکو نے 3 ارب70 کروڑ روپے ، کیسکو نے 3 ارب 16 کروڑ اور سیپکو نے 2 ارب 99 کروڑ روپے سے زائد وصولی کی درخواست کی ہے۔