بیجنگ : چین میں ایک رہائشی عمارت کی ساتویں منزل سے چھوٹا بچہ گرنے ہی والا تھا جسے موقع پر پہنچ کر ایک شہری نے معجزانہ طور پر بچالیا۔
سوشل میڈیا پر گردش کرنے والی ویڈیو کو صارفین دیکھ کر پہلے تو دم بخود اور خوفزدہ ہوگئے تاہم پوری ویڈیو دیکھ کر ان کو تسلی ہوئی۔
اس دل دہلا دینے والے منظر کی ویڈیو دیکھ کر وہاں موجود لوگ بھی سکتے میں آگئے، ویڈیو کے آخری لمحات میں بچے کو ایک شہری نے اپنی جان خطرے میں ڈال کر گرنے سے بچالیا۔
امریکی ٹی ایم زیڈ ویب سائٹ کے مطابق فوشان شہر کے ایک ویڈیو کلپ میں بچے کو فلیٹ کی ساتویں منزل کی بالکونی سے لٹکے ہوئے دیکھا جاسکتا ہے۔
رضيعة تتدلى من الطابق السابع لشرفة شقتها بمدينة فوشان الصينية فقرر أحد الجيران المخاطرة بحياته والتسلق بين الشرفات حتى وصل لها وأنقذها قبل سقوطها..
المقطع نال تداول واسع في الصين ولقبّوا الرجل بـ Spiderman أو الرجل العنكبوت وتم تكريمه من إدارة المدينة.pic.twitter.com/xzbYdfXebJ
— إياد الحمود (@Eyaaaad) September 29, 2022
یہ منظر سیکھ کر اس کے پڑوسی نے اپنی جان کو خطرے میں ڈالنے کا فیصلہ کیا اور فوری طور پر بالکونیوں کے درمیان چڑھتے ہوئے بچے کے قریب پہنچ گیا۔ْ
ویڈیو کا سب سے سنسنی خیز لمحہ وہ تھا کہ جب اس نے عین آخری لمحات میں بچے کو پہنچ کر قابو کیا، وہ اگر اسے نہ تھامتا تو بچے کا گرنا یقینی ہوچکا تھا۔
مذکورہ ویڈیو میں اس آدمی کو بالکونیوں کے درمیان بہت احتیاط سے چلتے ہوئے بھی دیکھا جاسکتا ہے تاہم بچے کے پاس پہنچنے تک وہ اپنا توازن برقرار رکھنے میں کامیاب رہا۔
اس ویڈیو کو ملک بھر میں بڑے پیمانے پر سراہا گیا، دوسری طرف میڈیا صارفین نے اس شخص کو "اسپائیڈر مین” قرار دیا ہے، اسے شہر کی انتظامیہ نے شہری کو اعزاز سے بھی نوازا ہے۔
