The news is by your side.

Advertisement

امریکی سفیررچرڈ اولسن پاکستان اور افغانستان کیلئے نمائندہ خصوصی مقرر

واشنگٹن: امریکی سفیررچرڈ اولسن کو پاکستان اور افغانستان کیلئے نمائندہ خصوصی مقرر کردیا گیا۔

پاکستان میں تعینات امریکی سفیر رچرڈ اولسن اپنی ذمے داریوں سے سبکدوش ہونے کے بعد پاکستان اور افغانستان کیلئے نمائندہ خصوصی کےطور پر خدمات انجام دینگے۔

ترجمان امریکی محکمہ خارجہ جان کربی نے کہا ہے کہ رچرڈ اولسن ، ڈان فیلڈ مین کی جگہ لیں گے اور وہ سترہ نومبر سے اپنے منصب کی ذمہ داریاں سنبھالیں گے، پاکستان میں سفارتی فرائض انجام دینے پر جان کربی نے ان کی خدمات کو سراہا۔

رچرڈ اولسن نے انیس سو بیاسی میں امریکی محکمہ خارجہ میں شمولیت اختیار کی۔

دوران سروس سعودی عرب، متحدہ عرب امارات ،عراق، تیونس، ایتھو پیا،میکسیکو اور یوگنڈا میں مختلف سفارتی عہدوں پر فائز رہے، دوہزار چھ سے دوہزار آٹھ تک رچرڈ اولسن نے نیٹو میں بطور ڈپٹی چیف مشن کے خدمات انجام دیں، وہ ستمبر دوہزار بارہ میں پاکستان میں سفیر تعینات ہوئے اب وہ اپنی ذمہ داریوں سے سبکدوش ہوکر نئے عہدے پر فائز ہونگے۔

Print Friendly, PDF & Email

Comments

comments

یہ بھی پڑھیں