لاہور : خاتون کو تھپڑ مارنے والے رکشہ ڈرائیور کو گرفتار کرلیا، رکشہ ڈرائیور نے کرائے کے معاملے پر تکرار پر تھپڑ مارا تھا۔
تفصیلات کے مطابق صوبائی دارلحکومت لاہور میں خاتون پر تشدد کی شکایت پر فوری ایکشن لیتے ہوئے پولیس نے خاتون کو تھپڑ مارنے والا رکشہ ڈرائیور گرفتارکرلیا۔
پولیس نے بتایا کہ سیف سٹی کیمروں سے ملزم کو ٹریس کرکےگرفتارکیاگیا، خاتون کی رکشہ ڈرائیور سے کرایہ کے معاملے پر تکرار ہوئی اور رکشہ ڈرائیو نے طیش میں آکرخاتون کوتھپڑ مار دیا۔
- Advertisement -
جس کے بعد خاتون نے ون فائیو پولیس ایمرجنسی نمبر پر کال کی، سیف سٹی ٹیم نے خاتون کی شکایت پر فورا پولیس کو موقع پر بھجوایا۔
سیف سٹی کیمروں کی مدد سے ملزم کو ٹریس کیا گیا اور گرفتاری عمل میں لائی گئی۔
