بالی ووڈ کے کنگ خان شاہ رخ کی غیر ملکی گلوکارہ ریانا کی اننت امبانی کی شادی میں لی گئی ساتھ تصویر کے سوشل میڈیا پر خوب چرچے ہو رہے ہیں۔
بزنس ٹائیکون مکیش امبانی کے بیٹے اننت امبانی کی پری ویڈنگ تقریبات میں تمام بین الاقوامی بزنس ٹائیکون، مشہور کھلاڑیوں اور بھارتی فلم انڈسٹری کی نامور شخصیات کو ریاست گجرات کے شہر جام نگر میں مدعو کیا گیا تھا۔
آننت امبانی اور رادھیکا مرچنٹ کی شادی سے پہلے کی یہ تقریبات دنیا بھر سے با اثر شخصیات کی شرکت کی وجہ سے میڈیا اور سوشل میڈیا کی خصوصی توجہ کا مرکز بنی ہوئی ہیں۔
ان تقاریب سے سوشل میڈیا پر وائرل ہونے والی ایک تصویر شاہ رخ خان اور امریکی گلوکاری ریانا کی ہے جس میں وہ بالی ووڈ کنگ کے ساتھ وقت بے حد خوش ہیں جبکہ شاہ رخ بھی خوب مسکرا رہے ہیں۔
یہ خوبصورت تصویر ایشیا کے امیر ترین آدمی مکیش امبانی کے چھوٹے بیٹے آننت امبانی کی شادی سے قبل 3 روزہ تقریبات کے موقعے پر لی گئی تھی۔
شادی سے قبل ہونے والی تقریبات کے پہلے روز شاہ رخ سیاہ رنگ کے بہترین پینٹ کوٹ اور ہیروں کا ہار پہنے نظر آئے، جبکہ دونوں کی ڈانس ویڈیو کی ایک تصویر بھی سوشل میڈیا پر وائرل ہے۔
