بھارتی کرکٹر رنکو سنگھ کی ویٹر اور عملے کو دل کھول کر رقم بانٹنے کی ویڈیو سوشل میڈیا پر وائرل ہوگئی۔
کرکٹر رنکو سنگھ کی ویڈیو کسی شادی کی تقریب کی ہے جس میں دکھایا گیا ہے کہ وہ نقدی کے بنڈل کے ساتھ بیٹھے ہیں اور ویٹروں میں رقم تقسیم کررہے ہیں۔
ویڈیو میں شیف اور ویٹر سمیت عملے کے ارکان قطار میں کھڑے ہیں اور ایک ایک کرکے رقم وصول کرتے ہوئے کرکٹر کا شکریہ ادا کررہے ہیں۔
رنکو سنگھ کے رقم بانٹنے کے بعد جو پیسے بچے وہ واپس رکھ لیے۔
ویڈیو کا صحیح وقت اور مقام واضح نہیں لیکن کچھ رپورٹس کے مطابق یہ ان کے گھر کسی تقریب کا پرانا کلپ ہے۔
سوشل میڈیا صارفین رنکو سنگھ کی سخاوت کی تعریف کررہے ہیں۔
ایک صارف نے لکھا کہ ’جب خدا آپ کو کچھ دیتا ہے تو مہربان رہنا نہ بھولیں۔‘ دوسرے صارف نے لکھا کہ ’بہت سے کھلاڑیوں کے برعکس جو کرکٹ میں شہرت حاصل کرنے کے بعد بدل جاتے ہیں۔‘
ایک صارف نے لکھا کہ یہ یوپی کی شادیوں کی روایت ہے، جہاں تقریبات کے دوران کپڑے اور پیسے دوسروں میں تقسیم کرنا عام ہے۔‘
علاوہ ازیں بھارتی میڈیا رپورٹس میں کہا گیا ہے کہ رنکو سنگھ جلد ہی 25 سالہ رکن پارلیمنٹ پریا سروج کے ساتھ شادی کے بندھن میں بندھنے والے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں