اسلام آباد: داسو ہائیڈرو پاور پراجیکٹ سائٹ پر دریائے سندھ کا رخ موڑ دیا گیا۔
تفصیلات کے مطابق داسو ہائیڈرو پاور پراجیکٹ کی سائٹ پر دریائے سندھ کا رخ موڑ دیا گیا، جس کے بعد عارضی ڈیم پر تعمیراتی سرگرمیاں شروع کر دی گئیں۔
ترجمان واپڈا کے مطابق عارضی ڈیم مکمل ہونے پر داسو پراجیکٹ کے مین ڈیم کی تعمیر شروع ہو جائے گی، پراجیکٹ کی زیر تعمیر دوسری ڈائیورشن ٹنل بھی اپریل کے وسط تک مکمل ہو جائے گی۔
- Advertisement -
ترجمان واپڈا کا کہنا ہے کہ ہائی فلو سیزن کے دوران دریائے سندھ کا پانی دونوں ڈائیورشن ٹنل سے گزرے گا۔
ترجمان نے کہا 4 ہزار 320 میگا واٹ کا داسو ہائیڈرو پاور پراجیکٹ دو مراحل میں مکمل کیا جا رہا ہے، منصوبے کے پہلے مرحلے سے بجلی کی پیداوار 2026 میں شیڈول ہے۔
