ایچ بی ایل پاکستان سپر لیگ 8 کا فائنل سنسنی خیز مقابلے کے بعد ملتان سلطانز ایک رنز سے ہار گیا اس شکست کے بعد کپتان محمد رضوان نے ایسی ہار بھی جیت جیسی ہے۔
اے آر وائی نیوز کے مطابق ایچ بی ایل پاکستان سپر لیگ ایک ماہ تک شائقین کرکٹ کو محظوظ کرنے کے بعد گزشتہ روز ایک رنگا رنگ اختتامی تقریب اور سنسنی خیز فائنل میچ کے ساتھ اختتام پذیر ہوگیا۔ گزشتہ شب کھیلا گیا ایونٹ کا فائنل گزشتہ ایونٹ کا ری پلے ثابت ہوا کیونکہ ٹیمیں بھی وہی اور نتیجہ بھی وہی رہا۔
لاہور قلندر نے ملتان سلطانز کو ایک رنز سے ہرا کر اپنے اعزاز کا کامیاب دفاع کیا۔
شکسست کے بعد میڈیا سے گفتگو کرتے ہوئے سلطانز کے کپتان محمد رضوان نے کہا کہ ٹورنامنٹ میں ہر ٹیم تگڑی اور لاہور قلندرز ٹرافی جیتنے کی حقدار تھی تاہم فائنل میں ایک رن سے ہارنا بھی جیت جیسا ہی ہے۔
رضوان کا یہ بھی کہنا تھا کہ سوچا یہی تھا کہ پارٹنر شپ لگی تو جیت جائیں گے لیکن میچ فنش نہیں کرسکے کیونکہ فائنل کا بہرحال ایک اپنا دباؤ ہوتا ہے۔
