لاہور: جنوبی افریقہ کے خلاف دونوں ٹی 20 میچز میں شاندار کارکردگی کا مظاہرہ کرنے والے وکٹ کیپر بیٹسمین محمد رضوان کی ایک اور خوبی شائقین کرکٹ کو بھا گئی۔
تفصیلات کے مطابق لاہور کے قذافی اسٹیڈیم میں کھیلے گئے سیریز کے دوسرے ٹی ٹوینٹی میچ میں قومی ٹیم کو شکست کا سامنا کرنا پڑا لیکن میچ کے دوران پانی کا وقفہ ہوا تو محمد رضوان گراؤنڈ میں ہی مغرب کی نماز ادا کی جسے مداحوں کی جانب سے خوب سراہا جارہا ہے۔
Pic of the Day.❤️🔥#PAKvsSA pic.twitter.com/6QTQKF3qxW
— JahanZaib (@JahanZaibb_) February 13, 2021
جنوبی افریقہ اور پاکستان کے درمیان ٹی 20 میچ کے دوران گرین شرٹس کے وکٹ کیپر بیٹسمین کریز پر اپنی بیٹنگ کے جوہر دکھارہے تھے۔
شائقین کرکٹ بھی ان کی بیٹنگ سے خوب محظوظ ہورہے تھے کہ اس دوران مغرب کی اذان ہوگئی اور پانی کا وقفہ بھی ہوگیا، محمد رضوان نے گراؤنڈر کے اندر ہی انفرادی طور پر نماز مغرب ادا کی۔
Guard strictly the Salah.
Holy Quran [2:238]
Masallah Best about Today ♥️#PAKvsSA #Rizwan pic.twitter.com/zRCVnitPRF— Hasaan Bin Ihsan (@IamHBI) February 13, 2021
اس دوران میچ کے امپائر اور جنوبی افریقی کھلاڑی پانی پینے میں مصروف رہے جیسے ہی پانی کا وقفہ ختم ہوا تو رضوان کی نماز بھی مکمل ہوچکی تھی اس کے بعد میچ کو دوبارہ شروع کیا گیا۔
Namaz ❤️ is the Key to success 🔥 #PAKvsSA pic.twitter.com/SPyiYTL6dr
— Mian Omer🇵🇰 (@Iam_Mian1) February 13, 2021
واضح رہے کہ جنوبی افریقہ نے پاکستان کو دوسرے ٹی 20 میچ میں 6 وکٹوں سے شکست دی جبکہ پہلے ٹی 20 میچ میں قومی ٹیم نے 3 رنز سے کامیابی حاصل کی تھی، تین میچز کی سیریز 1-1 سے برابر ہے، دونوں ٹیموں کے درمیان آخری ٹی 20 کل کھیلا جائے گا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں