لاہور: قومی ٹیم کے وکٹ کیپر بلے باز محمد رضوان نے فاسٹ بولر شاہین آفریدی کے بال کاٹ دیے جس کی ویڈیو وائرل ہوگئی۔
تفصیلات کے مطابق قومی ٹیم کے نوجوان فاسٹ بولر شاہین شاہ آفریدی نے سماجی رابطے کی ویب سائٹ ٹویٹر پر محمد رضوان کی جانب سے اپنے بال کاٹنے کی ویڈیو شیئر کردی۔
ویڈیو میں دیکھا جاسکتا ہے کہ شاہین آفریدی ایک کرسی پر براجمان ہیں اور محمد رضوان ان کے بال کاٹنے میں مصروف ہیں۔
Is there anything he can't do? The centurion and saviour of Karachi Test has no limit to his skills. Thank you for the hair cut #SuperMan. You nailed it. 🙌👏 #QuarantineLife @iMRizwanPak pic.twitter.com/1NfC7a1xO8
— Shaheen Shah Afridi (@iShaheenAfridi) March 18, 2022
شاہین آفریدی نے ویڈیو شیئر کرتے ہوئے لکھا کہ ’کیا کوئی ایسی چیز ہے جو رضوان نہیں کرسکتا، کراچی ٹیسٹ کے سنچورین اور میچ بچانے والے کی صلاحیت کی کوئی حد نہیں ہے۔
فاسٹ بولر نے بال کاٹنے پر محمد رضوان کا شکریہ بھی ادا کیا۔
یاد رہے کہ اس سے قبل قومی ٹیم کے کپتان بابر اعظم کا ایک انٹرویو کلپ وائرل ہوا تھا جس میں انہوں نے بتایا کہ تھا کہ ٹیم کے کھلاڑیوں میں محمد حسنین سب سے اچھے بال کٹنگ کرتا ہے۔
