کوئٹہ: بلوچستان کے صوبائی دارالحکومت کوئٹہ کے مضافاتی علاقے مارواڑمیں دھماکے کے نتیجے میں تین افراد جاں بحق ہوگئے، جبکہ سیٹلائٹ ٹاوٗن میں ہونے والے دھماکے میں کسی جانی نقصان کی اطلاع نہیں ملی۔
لیویزذرائع کے مطابق صوبائی دارالحکومت کے شمال مشرقی علاقے مارواڑ کے پہاڑی سلسلے میں سڑک کنارے بم دھماکہ ہوا جس کے زد میں آکرگاڑی میں سوارتین افراد موقع پرہی جاں بحق ہوگئے۔
سیکورٹی فورسز نے علاقے کو گھیرے میں لے لیا ہے اورواقعے کی تحقیقات شروع کردی ہیں۔
دوسری جانب دھماکے کے نتیجے میں چارافراد کے زخمی ہونے کی بھی اطلاعات ہیں، تاہم لیویز حکام نے دھماکے میں زخمی ہونے والوں کی تصدیق نہیں کی۔
، دوسری جانب کوئٹہ کے علاقے سیٹلائٹ ٹاوٗن میں موٹرسائیکل پرسواردو نامعلوم افراد منی مارکیٹ میں دو مقامات پردستی بم پھینک کرفرارہوگئے تاہم دونوں دھماکوں میں کسی قسم کا کوئی نقصان نہیں ہوا۔
پولیس اورایف سی نے علاقے کو گھیرے میں لے کرملزمان کی تلاش شروع کردی جبکہ جائے وقوعہ سے شواہد بھی اکٹھے کرلئے گئے، آخری اطلاعات آنے تک کوئی گرفتاری عمل میں نہیں آئی ہے۔
0
20
