لیہ: پنجاب میں کھجوروں والا باغ کے قریب ڈاکوؤں نے ساتھی چھڑانے کیلئے پولیس پر حملہ کردیا۔
تفصیلات کے مطابق جنوبی پنجاب کے شہر لیہ تھانہ سٹی کی حدود کھجوروں والا باغ کے قریب ڈاکوؤں نے اپنے ساتھی کو چھڑانے کیلئے پولیس پر حملہ کردیا۔
حکام کا کہنا ہے کہ پہلے سے گرفتار ڈاکو حمزہ اپنے ہی ساتھیوں کی گولی لگنے سے شدید زخمی ہوگیا جسے اسپتال منتقل کردیا گیا، ڈاکو حمزہ اظہر عرف حمزہ لاہوری نےدوران ڈکیتی فائرنگ سے نرس کو زخمی کیا تھا۔
پولیس کا کہنا ہے کہ موبائل فون کی برآمدگی سے واپسی پرڈاکو کے 3 ساتھیوں نے پولیس پر فائرنگ کی، پولیس کی فوری جوابی کارروائی پر زخمی ڈاکو کے ساتھی فرار ہوگئے۔
پولیس کا کہنا ہے کہ فرار ہونے والے ملزمان کی تلاشی جاری ہے، چوک اعظم کا رہائشی زخمی ڈاکو حمزہ اقدام قتل، چوری، ڈکیتی کے 19 مقدمات میں ملوث ہے۔
Comments
- Advertisement -
