The news is by your side.

Advertisement

کراچی میں ڈکیتی کی واردات انوکھے طریقے سے ناکام

کراچی: صوبہ سندھ کے دارالحکومت کراچی میں ڈکیتی کی واردات انوکھے طریقے سے ناکام ہوگئی، ملزمان کا شکار شخص ایک موٹر سائیکل سے ٹکرا کر بھاگ کھڑا ہوا جس کے بعد ملزمان بھی ناکام و نامراد واپس لوٹ گئے۔

تفصیلات کے مطابق کراچی کے علاقے فیڈرل بی ایریا میں پیش آنے والی ڈکیتی کی سی سی ٹی وی فوٹیج اے آر وائی نیوز کو موصول ہوگئی۔

فوٹیج میں دیکھا جاسکتا ہے کہ رہائشی علاقے میں ایک شخص گھر کے باہر کھڑا کسی کا انتظار کر رہا ہے جب موٹر سائیکل پر سوار 2 ملزمان اس کی جانب بڑھتے ہیں، شہری انہیں دیکھ کر دوڑ لگا دیتا ہے۔

لیکن تیزی سے بھاگتا ہوا شخص سامنے سے آنے والی موٹر سائیکل سے ٹکرا جاتا ہے جس پر ایک مرد اور بچی سوار ہیں، ٹکر سے موٹر سائیکل زمین پر گر جاتی ہے، مذکورہ شخص فوراً اٹھ کر دوسری طرف بھاگتا ہے۔

موٹر سائیکل سے گرنے والے باپ بیٹی بھی پریشان ہو کر وہاں سے جانے لگتے ہیں، ناکام ملزمان بچی کے اسکول بیگ کی تلاشی لیتے ہیں تاہم کچھ نہ ملنے پر موٹر سائیکل پر بیٹھ کر وہاں سے فرار ہوجاتے ہیں۔

Comments

یہ بھی پڑھیں