اتوار, فروری 9, 2025
اشتہار

کراچی : مسلح ملزمان شو روم مالکان سے ایک لاکھ 18 ہزار روپے لوٹ کر فرار

اشتہار

حیرت انگیز

کراچی : مسلح ملزمان شو روم مالکان سے ایک لاکھ اٹھارہ ہزار روپے لوٹ کر فرار ہوگئے، واردات کی سی سی ٹی وی فوٹیج سامنے آگئی ہے، جس کے بعد پولیس نے ملزمان کی تلاش شروع کردی۔

تفصیلات کے مطابق کراچی کے علاقے بلال کالونی سیکٹر فائیو ڈی میں شوروم مالکان سے ڈکیتی کی واردات ہوئی ، جس میں مسلح ملزمان شوروم مالکان سے ایک لاکھ اٹھارہ ہزارروپے لوٹ کر فرار ہوگئے۔

مزاحمت پر مسلح ملزمان نے شوروم مالک پرتشدد کیا، واردات کی سی سی ٹی وی فوٹیج سامنے آگئی ہے، فوٹیج میں دیکھا جا سکتا ہے کہ شوروم مالک پارٹنر کے ساتھ دفتر کے باہر بیٹھا تھا کہ دو موٹر سائیکل سوار آئے اور اسلحہ کے زور پرشو روم مالک اور دیگر دو ساتھیوں کی تلاشی لی۔

فوٹیج میں دیکھا گیا کہ شوروم مالک ناصرنے ملزم کو پکڑنےکی کوشش کی ، جس پر ملزم شوروم مالک کو جارحانہ انداز میں دیکھ کر طیش میں آگیا اور ناصر کو خبردار کرنے کے لیے پستول نکال کر چیمبر لوڈ کیا۔

فوٹیج کے مطابق شوروم مالک آخری حد تک پیسے دینے پر مزاحمت کرتا رہا، ملزم نے مزاحمت پر شوروم مالک ناصر کو زوردار تھپڑ مارا جبکہ ملزمان جاتے ہوئے بائیک کا پلک بھی نکال لے گئے۔

پولیس نے مقدمہ درج کرکے ملزمان کی تلاش شروع کردی ہے ، مدعی ناصر نے بتایا کہ ملزمان کے فرار ہوتے ہی شوروم مالکان پیچھے دوڑے، ملزمان نے مجھ سے 62 ہزارروپے اور موبائل فون ، ذوالقرنین سے 34 ہزار اور موبائل فون اور پارٹنر توقیر سے 22 ہزار روپے اور موبائل چھینا۔

اہم ترین

نذیر شاہ
نذیر شاہ
نذیر شاہ کراچی میں اے آر وائی نیوز کے کرائم رپورٹر ہیں

مزید خبریں