The news is by your side.

Advertisement

کراچی: معروف ریسٹورنٹ میں ڈکیتی کی واردات، ملزمان سی سی ٹی وی بھی ساتھ لے گئے

کراچی: سپر ہائی وے پر معروف ریسٹورنٹ میں ڈکیتی کی واردات رونما ہوئی ہے جہاں مسلح ملزمان اسلحے کی زور پر لاکھوں روپے لوٹ کر فرار ہوگئے۔

ریسٹورنٹ مالک کی جانب سے میڈیا کو بتایا گیا کہ چار مسلح ملزمان اسلحے کی زور پر ریسٹورنٹ میں داخل ہوئے اور کیش کاؤنٹر پر لوٹ مار شروع کردی، ملزمان نے اطمینان کے ساتھ واردات کی اور پچاس لاکھ سے زائد نقدی لے کر فرار ہوئے۔

مالک نے بتایا کہ مسلح ملزمان ایک گھنٹے تک لوٹ مار کرتے رہے تاہم اس دوران پولیس بھی مدد کو نہ آئی ، ملزمان جاتے ہوئے سی سی ٹی وی ڈی وی آر بھی ساتھ لےگئے۔

یہ بھی پڑھیں: کراچی سپر ہائی وے پر کیٹل فارم میں ڈکیتی کی بڑی واردات، ڈاکو کروڑوں مالیت کے مویشی لوٹ کر فرار

پولیس کے مطابق واردات کے وقت سیکیورٹی گارڈ موجود تھا مگر مبینہ طور پر اس نے مزاحمت نہیں کی۔

ابتدائی اطلاعات کے مطابق گزشتہ رات کی تمام سیل صبح بینک میں جمع کرانے کے لیے لے جائی جانی تھی کہ ملزمان لوٹ کر لے گئے۔

Comments

یہ بھی پڑھیں