اے آر وائی کی خبر کا اثر : ماضی کی صحافی اور شاعرہ روبینہ پروین اسپتال منتقل -
The news is by your side.

Advertisement

اے آر وائی کی خبر کا اثر : ماضی کی صحافی اور شاعرہ روبینہ پروین اسپتال منتقل

لاہور : سڑک پر بے یارو مددگار زندگی گزارنے والی ماضی کی صحافی اور شاعرہ روبینہ پروین کو لاہور کے اسپتال میں داخل کرادیا گیا، تحریک انصاف کے سینئر وزیر علیم خان نے ان کی کفالت کا اعلان کیا تھا۔

تفصیلات کے مطابق ماضی کی صحافی اور شاعرہ روبینہ پروین کو علاج کی غرض سے لاہور کے اسپتال میں داخل کرادیا گیاہے، سینئر وفاقی وزیر علیم خان نے اے آر وائی نیوز کی خبر پر ایکش لیتے ہوئے شاعرہ اور صحافی روبینہ پروین کی کفالت کا اعلان کیا تھا۔

اس حوالے سے علیم خان کی ہدایت پر روبینہ پروین کو پنجاب انسٹیٹوٹ آف مینٹل ہیلتھ منتقل کیا گیا ہے، علاج کے بعد روبینہ پروین کی رہائش کا بندوبست کیا جائے گا۔

سینئر وزیرعلیم خان نے روبینہ پروین کا ماہانہ وظیفہ بھی مقرر کر دیا، شاعرہ اور صحافی روبینہ پروین3سال سے سڑک پر ایک جھونپڑی میں  رہائش پذیر تھیں۔

حالات کی ستم ظریفی نے ان کا ذہنی توازن خراب کردیا تھا، ماضی کی53سالہ خاتون صحافی اور شاعرہ 20سال پہلے ادبی محفلوں میں بھرپور حصہ لیا کرتی تھیں۔

Comments

comments

یہ بھی پڑھیں