سوشل میڈیا پر ایک ویڈیو وائرل ہوئی ہے جس میں ایک روبوٹ ایک سادہ کام کرنے میں ناکام ہوتا دکھائی دیتا ہے، اور منہ کے بل گر جاتا ہے۔
تین دن قبل ٹوئٹر پر شیئر ہونے والی یہ ویڈیو اب تک 24 لاکھ بار دیکھی جا چکی ہے، یہ ویڈیو مشین کی طاقت اور مصنوعی ذہانت کی ٹیکنالوجی پر بھی ایک سوال اٹھاتی ہے۔
اس ویڈیو میں ایک ہیومنائڈ (یعنی ایک روبوٹ جو شکل میں انسانی جسم سے مشابہت رکھتا ہے) دکھایا گیا ہے، اسے یہ کام سونپا گیا کہ ایک باکس اس نے پلاسٹک کے ڈبے میں رکھنا ہے۔
ڈوبتے شخص کو بچانے کی ناقابل یقین ویڈیو وائرل
لیکن جیسا کہ کہا جاتا ہے کہ اب آرٹیفشل انٹیلیجنس کا زمانہ ہے، لیکن آئی آر کا حامل یہ روبوٹ یہ سادہ کام کرنے میں بری طرح ناکام دکھائی دیتا ہے، اور صرف یہی نہیں، بلکہ اچانک منہ کے بل بھی گر جاتا ہے۔
We often show positive AI developments, but it’s important to balance this by showing when it doesn’t go as planned ⚖️. Unless they’ve been testing alcohol / narcotics on this one… Then we worry! 😅 pic.twitter.com/XjcfBuv9S7
— H0W_THlNGS_W0RK (@HowThingsWork_) January 19, 2023
اس ویڈیو کے ساتھ یہ کیپشن لکھا گیا ہے کہ ہم اکثر آئی آر کی مثبت پیش رفت دکھاتے ہیں لیکن توازن رکھنا بھی ضروری ہے کہ ہر بار منصوبہ بندی کے عین مطابق نتائج نہیں ملتے۔
