نیویارک: ڈبلیو ڈبلیو ای کے معروف ریسلر راکی جانسن کے جنازے میں ونس میک مین شراب پی کر پہنچ گئے۔
غیرملکی خبررساں ادارے کی رپورٹ کے مطابق ڈبلیو ڈبلیو ای کے لیجنڈری ریسلر اور دی راک کے والد راکی جانسن کی آخری رسومات میں ٹرپل ایچ کے سسر اور اسٹیفنی میک مین کے والد ونس میک مین شراب پی پہنچ گئے جس پر انہیں تنقید کا نشانہ بنایا جارہا ہے۔
راکی جانسن کی آخری رسومات میں متعدد ریسلرز شریک ہوئے ان کی خدمات پر خراج تحسین پیش کیا، دی راک کی جانب سے آخری رسومات میں ہلک ہوگن کی شرکت کی بھی تصدیق کی گئی۔
ڈبلیو ڈبلیو کے ریسلر بلی گرام نے اپنی فیس بک اکاؤنٹ پر ونس میک مین پر شدید تنقید کرتے ہوئے انہیں مغلظات بکیں جبکہ سابق انٹرکانٹی نینٹل چیمپن پیٹ پیٹرسن پر بھی الزام ہے کہ وہ بھی نشے میں دھت تھے۔
مزید پڑھیں: سابق ریسلر اور ہالی ووڈ اسٹار دی راک کے والد چل بسے
پیٹرسن اور ونس کے مبینہ سلوک کے حوالے سے ڈبلیو ڈبلیو ای ٹیک ٹیم چپمپئن ہیری اسمتھ نے کہا کہ میرے خیال میں ونس اور پیٹ دونوں عجیب تھے لگ ایسا ہی رہا تھا کہ وہ نشے میں تھے۔
اسمتھ کے مطابق ونس اور پیٹ دونوں دوپہر کے کھانے کے لیے باہر گئے تھے، میں نے سوچا تھا کہ وہ نشے میں تھے لیکن پیٹ سے بات کی اور شاید وہ صرف ہوش میں تھا۔
کینیڈین ریسلر کا کہنا ہے کہ اگر یہ سب سچ ہے اور اسمتھ کے پاس جھوٹ بولنے کی کوئی وجہ نہیں ہوگی تو یہ ان کی جوڑی کی طرف سے انتہائی شرمناک بات ہے۔
واضح رہے کہ گزشتہ دنوں ہالی ووڈ اسٹار اور سابق ریسلر دی راک کے والد راکی جانسن 75 برس کی عمر میں انتقال کرگئے تھے اور دو روز قبل ان کی آخری رسومات ادا کردی گئیں۔
