آئی سی سی کرکٹ ورلڈ کپ 2023 کا بھارت میں انعقاد کیا گیا، مگر فائنل میں بھارت کو بھرپور سپورٹ ہونے کے باوجود آسٹریلیا کے ہاتھوں شکست کا سامنا کرنا پڑا۔
بھارتی ٹیم کے اسپنر روی چندرن اشون نے حال ہی میں اس بارے میں بات کرتے ہوئے کہا کہ ہندوستان کی 2023 ورلڈ کپ فائنل میں آسٹریلیا سے شکست کے بعد روہت شرما اور ویرات کوہلی کو روتے ہوئے دیکھ کر بہت تکلیف ہوئی۔
انہوں نے کہا کہ فائنل میں پہنچے سے قبل بھارت کو کسی میچ میں شکست نہیں ہوئی تھی، تاہم ورلڈ کپ فائنل کا دن بھارت کے لئے ڈراؤنا خواب ثابت ہوا، کیونکہ بھارت کو فائنل میچ میں 6 وکٹوں سے شکست کا سامنا کرنا پڑا۔
ایک یوٹیوب چینل کو دیئے گئے انٹرویو میں اشون نے فائنل ہارنے کے بعد ڈریسنگ روم میں پیش آئے واقعات کے بارے میں بتایا، انہوں روہت شرما کی بے باک قیادت کی تعریف بھی کی۔
انہوں نے کہا کہ فائنل ہارنے کے بعد پوری ٹیم کی جو کیفیت تھی وہ بیان سے باہر ہے، روہت اور ویرات رو رہے تھے۔ یہ دیکھ کر بہت تکلیف ہوئی، انہوں نے کہا کہ بہرحال، ایسا نہیں ہونا چاہئے تھا۔ ہر کوئی جانتا تھا کہ بھارتی ٹیم ایک تجربہ کار ٹیم ہے۔
پاکستان بمقابلہ آسٹریلیا ٹیسٹ سیریز، قومی ٹیم سڈنی روانہ ہوگئی
بھارتی ٹیم کے اسپنر روی چندرن اشون کا مزید کہنا تھا کہ بہرحال وہ دن ہمارے لئے برا ثابت ہوا، مگر ہار جیت کھیل کا حصہ ہے۔
