The news is by your side.

ویرات کوہلی اور روہت شرما سے متعلق اہم خبر

آئی سی سی ٹی 20 ورلڈ کپ کے سنسنی خیز مقابلے جاری ہیں گروپ ٹو میں جنوبی افریقا نے بھارت کو شکست دے کر پہلی پوزیشن پر حاصل کرلی۔

بھارتی ٹیم جنوبی افریقا سے شکست کے بعد 4 پوائنٹس کے ساتھ دوسرے نمبر پر موجود ہیں جبکہ بنگلہ دیش دو میچز میں کامیابی حاصل کرکے 4 پوائنٹس کے ساتھ تیسرے، زمبابوے تین پوائنٹس کے ساتھ چوتھے اور قومی ٹیم 2 پوائنٹس کے ساتھ پانچویں نمبر پر براجمان ہے۔

ورلڈ کپ کے بعد بھارتی ٹیم کو کیوی ٹیم کی میزبانی کرنی ہے دونوں ٹیموں کے درمیان تین ٹی 20 اور تین ون ڈے میچز کی سیریز کھیلے جائے گی۔

رائٹرز کی رپورٹ کے مطابق سلیکٹر چیتن شرما نے بتایا ہے کہ نیوزی لینڈ سے سیریز کے لیے اسکواڈ کا اعلان جلد متوقع ہے جس کے لیے اہم ترین بیٹرز ویرات کوہلی اور کپتان روہت شرما نے بورڈ سے آرام مانگ لیا ہے۔

دوسری جانب کپتان روہت شرما نے میڈیا سے گفتگو کرتے ہوئے کہا کہ ’کسی نے آرام کی درخواست نہیں کی ہے سلیکٹرز فیصلہ کریں گے کہ کن کھلاڑیوں کو آرام کی ضرورت ہے اور اس سلسلے میں انتظامیہ اور میڈیکل ٹیم کے ساتھ رابطے میں ہیں۔‘

واضح رہے کہ ورلڈ کپ کے بعد بھارت اور نیوزی لینڈ کے درمیان سیریز 18 نومبر سے کھیلی جائے گی اگر ویرات اور روہت ٹیم کا حصہ نہیں ہوئے تو امکان ہے کہ ہاردک پانڈیا ٹی 20 اور شیکھر دھون ون ڈے ٹیم کی قیادت کریں گے۔

Comments

یہ بھی پڑھیں