ممبئی: بالی وڈ کی ایکشن فلموں کے ہدایت کار روہت شیٹھی نے فلم ’سنگھم‘ فرنچائز کے تیسرے حصے کا اعلان کر دیا۔
میڈیا رپورٹس کے مطابق روہت شیٹھی نے فلم ’سرکس‘ کے پہلے گانے کی لانچنگ تقریب میں شرکت کے موقع پر ’سنگھم اگین‘ کا اعلان کیا۔
فلم میں مرکزی کردار کے لیے ہدایت کار نے بالی وڈ کی سُپر اسٹار دپیکا پڈوکون کو چُن لیا ہے جو اپنے شوہر رنویر سنگھ کے ساتھ تقریب میں موجود تھیں۔
دپیکا پڈوکون فلم میں بھرپور ایکشن میں نظر آئیں گی جبکہ اداکار اجے دیوگن فلم ’بھولا‘ کی شوٹنگ مکمل کرنے کے بعد فلم کا حصہ بنیں گے۔
AJAY DEVGN teams with DEEPIKA PADUKONE for the first time… #SinghamAgain reunites #RohitShetty and #DeepikaPadukone after #ChennaiExpress and #Cirkus [cameo]. pic.twitter.com/1gMDREnFTS
— taran adarsh (@taran_adarsh) December 8, 2022
فلمی ناقد ترن آدرش نے ٹوئٹ پر دپیکا پڈوکون اور روہت شیٹھی کی تقریب میں شرکت کے موقع پر لی گئی تصویر پوسٹ کر دی۔
ترن آدرش نے تصدیق کرتے ہوئے بتایا کہ دپیکا پڈوکون ’سنگھم اگین‘ کا حصہ ہوں گی، روہت شیٹھی نے لیڈی سنگھم کا اعلان کر دیا، اداکارہ مشہور پولیس یونیورس کی پہلی خاتون پولیس ہوں گی۔
یہ بھی پڑھیں: اجے دیوگن کیا بننا چاہتے تھے؟ روہت شیٹھی نے بتا دیا
IT’S OFFICIAL… ROHIT SHETTY – DEEPIKA PADUKONE – ‘SINGHAM AGAIN’… #RohitShetty announces his lady #Singham… #DeepikaPadukone to be a part of #SinghamAgain, making her the first lady cop of #RohitShetty's popular Cop Universe. pic.twitter.com/RtaOx0jHDD
— taran adarsh (@taran_adarsh) December 8, 2022
یاد رہے کہ 2011 میں روہت شیٹھی نے فلم ’سنگھم‘ کی تھی جس میں اجے دیوگن نے مرکزی کردار ادا کیا تھا۔
مذکورہ فلم باکس آفس پر کامیاب رہی۔ 41 کروڑ (بھارتی روپے) کے بجٹ سے بننے والی فلم نے 157 کروڑ کا بزنس کیا تھا۔
بعد ازاں 2014 میں ’سنگھم رٹرنز‘ کے نام سے اس کا دوسرا حصہ ریلیز کیا گیا۔ 70 کروڑ کے بجٹ سے بننے والے سیکوئل نے 219 کروڑ کا بزنس کیا تھا۔
