نیویارک: ڈبلیو ڈبلیو ای میں بگ ڈوگ کے نام سے مشہور ریسلر رومن رینز نے اپنے کزن اوسو کو شکست دینے کے بعد ایک بار پھر دھمکی دے دی۔
تفصیلات کے مطابق رومن رینز رنگ میں واپسی کے بعد نئے روپ میں سامنے آئے ہیں، یونیورسل چیمپئن شپ ٹائٹل کا کامیاب دفاع کرنے کے بعد رومن رینز نے ایک بار پھر اپنے کزن اوسو کو خبردار کرتے ہوئے کہا کہ ’تمہاری جگہ میں ہوتا تو ری میچ کا چیلنج کبھی قبول نہیں کرتا۔‘
رومن اور اوسو کے درمیان ری میچ ایونٹ ’ہیل اِن آ سیل‘ میں منعقد ہوگا جس میں رومن رینز کو اپنے کزن اوسو کا چیلنج درپیش ہوگا۔
"This time, there's going to be real consequences." 👀#SmackDown @WWERomanReigns @WWEUsos @HeymanHustle pic.twitter.com/1YvmgkE2GR
— WWE (@WWE) October 6, 2020
واضح رہے کہ رومن رینز نے اوسو کو اس سے قبل ہونے والے مقابلے میں اپنے مخصوص داؤ پیج کے ذریعے باآسانی ہرا کر ٹائٹل کا کامیاب دفاع کیا تھا۔
مونسٹر کے نام سے مشہور برون اسٹرومین کو طاقتور ریسلر کیتھی لی کا چیلنج درپیش ہوگا، کیتھی لی نے حالیہ تکرار کے دوران برون اسٹرومین کو انٹری اسٹیج سے نیچے پھینک دیا تھا۔
ایونٹ کے دیگر مقابلے میں ڈبلیو ڈبلیو ای چیمپئن ڈریو میکنٹائر تجربہ کار ریسلر رینڈی اورٹن کے مدمقابل آئیں گے، اس سے قبل رینڈی کو میکنٹائر نے پچھاڑ دیا تھا۔
سیتھ رولنز کے ساتھی بڈی مرفی نے ان کا ساتھ چھوڑ دیا اور رنگ میں آکر رولنز پر مکوں کی برسات کردی جس کے بعد امکان ہے کہ دونوں ریسلرز آئندہ ایونٹ میں مدمقابل آئیں گے۔