ریاض: کنگ عبدالعزیز ایئرپورٹ جدہ کے حج ٹرمینل کی چھت کا ایک حصہ گر گیا۔

عرب میڈیا کے مطابق جدہ ایئرپورٹ کے حج ٹرمینل کی چھت کا ایک حصہ گر گیا، چھت گرنے کے وقت اتفاقی طور پر وہاں کوئی حاجی موجود نہیں تھا۔

[bs-quote quote=”کنگ عبدالعزیز ایئرپورٹ جدہ کے حکام نے واقعے کی تفتیش کے لیے کمیٹی مقرر کردی” style=”style-8″ align=”left”][/bs-quote]

محکمہ شہری ہوا بازی کی جانب سے جاری اعلامیہ کے مطابق کنگ عبدالعزیز انٹرنیشنل ایئرپورٹ کے حج ٹرمینل کے تجارتی علاقے کی چھت کا ایک حصہ گرا ہے، واقعہ کے وقت تجارتی علاقے میں کوئی حاجی نہیں تھا اس لیے کوئی جانی نقصان نہیں ہوا ہے۔

کنگ عبدالعزیز ایئرپورٹ جدہ کے حکام نے واقعے کی تفتیش کے لیے کمیٹی مقرر کردی ہے۔

محکمہ شہری ہوا بازی کا کہنا ہے کہ حادثے کے سبب جہازوں کی آمدورفت متاثر نہیں ہوئی ہے، حجاج کی روانگی معمول کے مطابق جاری ہے۔

سوشل میڈیا صارفین نے بھی سماجی رابطے کی ویب سائٹس پر واقعے کی تصاویر شیئر کی ہیں۔