نیوزی لینڈ کے سابق کھلاڑی روس ٹیلر نے قومی ٹیم کے نوجوان بیٹر حیدر علی کو ورلڈ کپ کے لیے اہم کھلاڑی قرار دے دیا۔
کیوی بیٹر روس ٹیلر کا بین الاقوامی کرکٹ سے ریٹائر ہونے کے بعد یہ پہلا آئی سی سی مینز ٹی ٹوئنٹی ورلڈ کپ ہے جس سے متعلق انہوں نے کہا کہ میں رسی کے دوسری طرف سے دیکھنے کے لیے ایک مختلف تجربے کی تیاری کر رہا ہوں۔
سابق کیوی بیٹسمین نے کہا کہ میں ایکشن کو جاری رکھنے اور خاص طور پر کچھ نوجوان بلے بازوں کی طرف سے پرجوش ہونے کا منتظر ہوں۔
سابق کیوی بیٹر نے تسلیم کیا کہ بابر اعظم اور محمد رضوان کی طرف سے ہمیشہ بہت زیادہ رنز بنائے جائیں گے اور انہیں اکثر اننگز میں بہت سی گیندوں کا سامنا کرنا پڑتا ہے۔
Ross Taylor regarding Haider Ali (via ICC) #T20WorldCup #Cricket pic.twitter.com/kuFjPKGQM7
— Saj Sadiq (@SajSadiqCricket) October 18, 2022
روس ٹیلر نے مزید کہا کہ پاکستانی ٹیم کو حیدر علی جیسے لڑکوں کی ضرورت ہو گی تاکہ وہ نیچے کے بیٹنگ آرڈرز پر آ کر جارحانہ کھیل سکے۔
انہوں نے کہا کہ ایسا اکثر نہیں ہوتا ہے کہ بابر اور رضوان دونوں ہی ناکام ہوں گے، ان میں سے ایک کو عموماً 40 یا 50 گیندوں کا سامنا کرنا پڑے گا، اس لیے انہیں اپنے ارد گرد تیزی سے بیٹنگ کرنے کے لیے دوسرے لڑکوں کی ضرورت ہے اور حیدر علی یقیناً ایسا کرنے کی صلاحیت رکھتا ہے۔
واضح رہے کہ حیدر علی تواتر سے مواقع ملنے کے باوجود اپنی صلاحیتوں کے جوہر دکھانے میں ناکام رہے ہیں اور سوشل میڈیا پر بھی کرکٹ شائقین کی جانب سے ان کی بیٹنگ تکنیک پر تنقید کی جاتی ہے۔
