آر پی ٹی لائسنس: سندھ ہائی کورٹ نے نجی ایئرلائن کے حق میں فیصلہ دے دیا -
The news is by your side.

Advertisement

آر پی ٹی لائسنس: سندھ ہائی کورٹ نے نجی ایئرلائن کے حق میں فیصلہ دے دیا

کراچی: سندھ ہائی کورٹ نے سول ایوی ایشن کے مقابلے میں نجی ایئرلائن کے حق میں فیصلہ دے دیا ہے‘ فیصلے کے مطابق سول ایوی ایشن کی آر پی ٹی لائسنس بنوانے کی درخواست بے بنیاد ہے۔

تفصیلات کے مطابق سندھ ہائی کورٹ نے آرپی ٹی لائسنس کے معاملے پر شاہین ایئر نامی نجی ایئر لائن کے حق میں فیصلہ صادر کیا ہے‘ یہ فیصلہ سول ایوی ایشن کے مطالبے کے خلاف دائر کردہ اپیل پر کیا گیا۔

سندھ ہائی کورٹ کے مطابق نجی ایئرلائن کو آر پی ٹی لائسنس کی ضرورت نہیں کیونکہ 26 سال پہلے ہی یہ لائسنس اسے جاری کردیا گیا تھا ۔

سندھ ہائی کورٹ کے فیصلے کے مطابق جب تک ایئرلائن اپنے واجبات ادا کررہی ہے سول ایوی ایشن اس کے فلائٹ آپریشنز میں مداخلت نہیں کرسکتا۔

نجی ائیر لائن کے ترجمان کا کہنا ہے کہ امید ہے کہ سول ایوی ایشن اس فیصلے کے بعد شاہین ایئر کا ساتھ دے گی اوراب بین الاقوامی روٹس کی منظوری فوراً دے دی جائے گی۔

Comments

comments

یہ بھی پڑھیں