کراچی : ذی الحج کا چاند دیکھنے کے لیے پاکستان میں مرکزی رویت ہلال کمیٹی کا اجلاس مفتی منیب الرحمان کی زیر صدارت آج ہوگا۔
تفصیلات کے مطابق پاکستان میں ذی الحج کا چاند دیکھنے کے لیے رویت ہلال کمیٹی کا اجلاس کراچی میں محکمہ موسمیات کے دفتر میں مفتی منیب الرحمان کی زیرصدارت آج ہوگا۔
کراچی میں رویت ہلال کمیٹی کے مرکزی اجلاس کے علاوہ زونل کمیٹیوں کےاجلاس بھی مقامی سطح پر ہوں گے۔
ماہرین فلکیات کے مطابق آج کراچی میں ذی الحج کا چاند نظر آنے کے امکانات کم ہیں اگر آج چاند نہ آیا تو عیدالاضحیٰ 2ستمبربروز ہفتہ ہوگی۔
سعودی عرب میں ذی الحج کا چاند نظرنہیں آیا
واضح رہے کہ گزشتہ روز سعودی سپریم جوڈیشل کونسل نے اعلان کیا تھا کہ ملک میں ذی الحج کا چاند نظر نہیں آیا جس کے بعد سعودی عرب میں عیدالاضحیٰ یکم ستمبر بروز جمعہ ہوگی۔
