The news is by your side.

Advertisement

پابندیاں نظرانداز، روسی کارساز کمپنی کا اہم اعلان

ماسکو: حکومت کی زیر سرپرستی چلنے والی کار ساز کمپنی نے بڑا اقدام اٹھالیا ہے۔

غیر ملکی میڈیا رپورٹ کے مطابق تین ماہ کی بندش کے بعد روسی کارساز کمپنی ‘اوٹوواز’ نے اپنی پیداواری یونٹ کو دوبارہ فعال کردیا ہے، جو ممکنہ طور یر یوکرین جنگ کے باعث بند کردیا گیا تھا۔

روسی کارساز کمپنی کی جانب سے جاری بیان میں بتایا گیا کہ ‘اوٹوواز’ نے اپریل کے بعد کار کی پیداوار شروع کردی ہے، یونٹ میں سال کی پہلی ماڈل کلاسک کاریں تیار کی جائیں گی،اس ماڈل کو تیار کرنے کا مقصد سب سے سستی کار کو متعارف کرانا ہے۔

کمپنی مینیجر کا کہنا تھا کہ یقینی طور پر ہمیں کاروں کی پیداوار جاری رکھنی چاہیئےجو سب سے زیادہ مانگ رکھتی ہو، اور روسی مارکیٹ کے لئے بھی سستی ہو اور ان کی پیداوار کے درآمدی اسپیئر پارٹس کی کمی سے متاثر نہیں ہوگی۔

یہ بھی پڑھیں: روسی فوج کا بڑا حملہ، یوکرینی فورسز پیچھے ہٹنے پر مجبور ہو گئیں

انہوں نے کہا کہ اس کے علاوہ اس کار کی پیداوار کا مقصد زیادہ سے زیادہ گاڑیوں کی لوکلائزیشن فراہم کرنا اور غیر ممالک سے درآمد شدہ اسپیئر پارٹس کے بغیر روسی ساختہ پارٹس سے کار بنانا ہے۔

ہولڈنگ نے ابھی تک نئی کاروں کی قیمت کے بارے میں نہیں بتایا، اوٹوواز کے صدر میسکم سوکولوف نے ایک بیان میں کہا کہ پروڈیوسر آپریشنز کی ترقی کے لئے ملکی سپلائرز کے ساتھ بات چیت جاری ہے۔

Comments

یہ بھی پڑھیں