تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

چین اور روس کے لڑاکا طیاروں کی مشترکہ فضائی مشقیں، جنوبی کوریا کی جہازوں پر فائرنگ

بیجنگ: چین اور روس کے لڑاکا طیاروں کی مشترکہ فضائی مشقوں کے دوران فضائی حدود کی خلاف ورزی کرنے پر جنوبی کوریا نے جہازوں پر فائرنگ کردی۔

تفصیلات کے مطابق پہلی بار روسی اور چینی فضائیہ نے مشترکہ فضائی مشقیں کیں، تاہم اس دوران روسی جہازوں نے جنوبی کوریا کی سرحدی حدود کی خلاف ورزی کی۔

غیر ملکی خبر رساں ادارے کے مطابق جنوبی کوریا نے روسی طیاروں پر مشین گن سے وارننگ فائر کیے، اور روس کو سخت تنبیہ کرتے ہوئے باز رہنے کی دھمکی دی۔

روسی وزارت دفاع کی جانب سے جاری بیان میں وضاحت کی گئی ہے کہ چار روسی لڑاکا طیارے مشرقی چین کی سرحدی حدود میں مشقیں کررہے تھے۔ اس تنازعے کے ردعمل میں جاپان نے شدید تشویش کا اظہار کیا ہے۔

دوسری جانب جنوبی کوریا کے عسکری حکام کا کہنا ہے کہ پانچ جنگی طیارے ہماری سرحدی حدود میں داخل ہوئے، جس کے ردعمل میں فوری طور پر دو کوریائی لڑاکا طیارے ان جہازوں کو مار گرانے کے لیے بھیجے گئے۔

حکام کے مطابق روس کی جانب سے دو بار سرحدی حدود کی خلاف ورزی کی گئی، روسی طیاروں پر مشین گن کے 80 راؤنڈ فائر کیے گئے۔

ماہرین کا کہنا ہے کہ روس اور چین کے درمیان فوجی مشقیں مستقبل میں ایک مضبوط تعلقات کا عندیہ ہے، جو جاپان اور جنوبی کوریا کے لیے خطرہ بن سکتے ہیں۔

Comments

- Advertisement -